深井陳記燒鵝 (欣榮商場)

營業中

休息中

忽然間心血來潮想食燒鵝, 所以就去咗陳記買外賣喇。以前細個只會喺拜山嘅時候先會食到燒鵝, 大個之後發現原來除咗酒樓都有好多燒鵝店可以食到, 而深井陳記本身好有名氣, 所以要試吓佢嘅燒鵝。🍗 半隻燒鵝特登叫師傅唔好切隻燒鵝脾, 成隻食😆 燒鵝皮燒得好脆, 而d 肉質好嫩滑, 拎住成隻燒鵝脾咁食, 好爽呀。🥢 叉燒飯半肥瘦叉燒有淡淡蜜汁味, 肉質鮮嫩, 食落唔會覺得太肥膩亦唔會太瘦乾爭爭。配埋秘製醬汁咁餸飯食, 好好味。💭 整體食物都好食, 如果想食燒鵝, 實在推薦呢間餐廳。