好燒味小菜 (已結業)

今日星期日，剪完頭髮到附近一間燒味店填肚，上一次試過，覺得不俗，想再食多次，比上次更勝一籌！叫左碟叉燒切雞飯， 切雞入味， 但肉唔多， 普普通通。叉燒真係不得了， 上次師傅比係瘦叉， 味道係好， 不過口感因為係瘦叉關係比較鞋身，今次咁岩切左肥叉比我， 肉身腍， 多汁， 蜜味濃， 好好味！早知叫淨叉飯算總括 價錢雖然偏貴， 要38蚊， 但好味可惜的是當日去係星期日， 本以為像招牌所貼下午茶會有優惠， 原來星期日冇， 大家要留意下。