大瀛喜日本料理 (已結業)

11月尾咁忙但都要約班朋友星期五晚食下野既!今次就去係正朗豪坊對面勁方便既大瀛喜我地未夠6點入坐 個時冇咩人 完全唔洗等位不過坐落就發現位置比較逼 有啲難出入好喇講下啲野食先魚生值得讚厚度岩岩好 好肥美新鮮 無雪味魷魚好好食 唔un而且好滑甜蝦就幾滑口 但味道就唔係特別鮮甜虎蝦會跟泰式甜酸汁上埋 好清新帶子比較細粒 應該係切左一半 冇咩特別壽司大愛芝士鰻魚同炸蝦卷芝士鰻魚個芝士唔太搶但好濃郁炸蝦卷舊炸蝦真係好香脆其實火焰壽司就普通炸物方面芋球幾好食 好香芋頭味一口芝士好睇你中唔中意芝士味我覺得好正 但朋友覺得好漏炸蠔就粉漿多左啲 蠔比較細粒 但蠔係鮮味的天婦羅選擇較少 但蕃薯仔 蟹捧 蝦 牛奶我個人係大愛牛奶天婦羅 其實係好似炸鮮奶咁只係依家冇咩地方有得食 中意就嗌多啲喇芝士青口麻麻地 青口冇味黃金炸蝦有驚喜 原來係蛋黃炸成 好香口!芝士仙貝粒仙貝幾大 芝士夠多 醬汁唔會太濃我地仲叫左兩個鍋一個係牛肉壽喜燒 味道似日式醬油味 甜甜地幾好食一個係牛乳海鮮(?) 個湯底好正! 我好中意呢個成個湯都白色 好濃郁 兩個鍋都有好多菜同薯粉 索哂湯底好好味 熱辣辣我地仲係menu叫左個迷你心太軟試