廣東茶居 (已結業)

星期六又到尖咀行街, 想晚飯坐得舒服D, 於是揀咗廣東茶居。上次嚟過印象都唔錯, 地方闊落, 星期六都坐唔滿, 仲要二人都安排四人位, 舒服到成個海港城都搵唔到咁舒服! 今次仲坐梳化卡位添!一嚟先點左茶, 呢度D茶杯令我印象深刻, 因為我係好鐘意飲茶的人, 但次次食中菜都飲兩啖要添茶, 但呢度用的係高身的瓷杯! 大小對我來說剛剛好!呢間菜館其中一樣最出名的係老火湯, 上次試過好好味, 今次再encore! 菜館每日都會有唔同是日老火湯, 今次係海底椰蘋果燉豬"月展", 好好味!呢度D抄麪都係會炸麪底的, 唔係度度會咁做, 所以點咗個銀芽肉絲炒麪, 脆卜卜, 好好味!疏菜方面就點咗個馬拉盞通菜鮮魷, 魷魚好似唔係太新鮮, 麻麻地...總括印象仲係好好, 星期六都唔多大陸人, 地方好坐, 湯又好飲, 一定會成日嚟!