Mr Brown (已結業)

出開灣仔捐血，先要去補補血先，呢問餐廳食物有特色，午餐選擇不少，兩個人每人都點了一份3 course嘅lunch set餐包跟嘅蒜蓉醬好襯。頭盤好好昧，鯖魚打成嘅cream配上魚子，能提醒味覺，燒牛肉muffin夠特色。主菜嘅燒牛排好嫰，好有牛味，個薯蓉好幼滑，好似食分子料理咁。燒雞串入味，肉質嫰滑，略帶少少燒焦味，火喉剛剛好！最後嘅甜品係咖啡味焦糖杏仁奶凍，為呢個午餐劃上完美句號。服務員態度親切有善，會為你介紹餐牌嘅食物。最後補充一句，呢度無收加一，tips係自己俾的。