鍋霸吃到飽台式養生火鍋 (創興廣場)

朋友介紹去鍋霸食放題，正值開幕五周年，我地選擇左無限時吃到飽套餐Prime Grade安格斯肥牛套餐。套餐送小食鹽酥雞同花枝丸，最特別係可以自己選擇味道shake shake,約有心思！除咗酒精類都可以任飲。

湯底要左台灣養生花膠雞涮涮鍋同麻辣蕃茄雞肉涮涮鍋（少辣），清清地可以煮蔬菜，麻辣蕃茄好惹味，涮牛肉同豬肉就好適合，可以唔洗沾醬料，雞件大件又滑身、花膠足料大份，火鍋料選擇多仲好高質，安格斯肥牛唔會太肥，牛肉味濃，西班牙無激素豬肉片，口感比較爽口，好適合配烏冬或者台灣麵玩，魚片同海蝦夠新鮮，肉質爽口彈牙; 長蟹棒，一條都等於平常既3-4條了，仲有多種唔係常見既丸，包括濃心芝士牛丸、豆腐芝士丸，真係好多野食!

最後仲每位有一盒雪糕，好盡興！