影片
更多
2015-11-13
385 瀏覽
叫完個二人餐，加埋牛油粟米$149，至發現....有個EPS優惠，差一蚊，於是朋友嗰碗都加多份粟米，再轉個小食，點知就搞到侍應個有啲手忙腳亂。旁邊枱見二人見我哋改又想改。其實我覺得侍應可以主動提出有呢個優惠，咪唔洗咁"呢hea"我叫咗白味噌，上台時係呢個樣。配料牛油粟米係另上，我自己加埋落個碗度(我覺得如果廚房加埋感覺會良好啲)。店來自北海道，小妹都有幸去過北海道食味噌拉麵，但記憶之中唔係咁嗰囉。個湯無味(真係唔加七味粉唔得，好難啃)，個麵質地似即食麵，啲蔥白唔多新鮮無蔥味，粟米偏乾，牛油完全零牛油味，唔夠湯，好似食緊撈麵咁，啲湯珍貴嘅程度係基本唔敢用羹湯匹湯飲。湯底有大條洋蔥絲同叉燒粒，好似食緊茶餐廳洋蔥豬扒嘅感覺，滯到反艇。反而送嗰個漬物幾好味，用嚟配無味嘅拉麵唔錯。小食薯餅好味，外層超香脆，內餡好creamy, creamy到有少少難用筷子夾。溏心蛋好食，夠味，小食選擇呢個都唔錯EPS送嘅
叫完個二人餐，加埋牛油粟米$149，至發現....
有個EPS優惠，差一蚊，於是朋友嗰碗都加多份粟米，再轉個小食，點知就搞到侍應個有啲手忙腳亂。旁邊枱見二人見我哋改又想改。其實我覺得侍應可以主動提出有呢個優惠，咪唔洗咁"呢hea"
我叫咗白味噌，上台時係呢個樣。
配料牛油粟米係另上，我自己加埋落個碗度(我覺得如果廚房加埋感覺會良好啲)。店來自北海道，小妹都有幸去過北海道食味噌拉麵，但記憶之中唔係咁嗰囉。個湯無味(真係唔加七味粉唔得，好難啃)，個麵質地似即食麵，啲蔥白唔多新鮮無蔥味，粟米偏乾，牛油完全零牛油味，唔夠湯，好似食緊撈麵咁，啲湯珍貴嘅程度係基本唔敢用羹湯匹湯飲。湯底有大條洋蔥絲同叉燒粒，好似食緊茶餐廳洋蔥豬扒嘅感覺，滯到反艇。反而送嗰個漬物幾好味，用嚟配無味嘅拉麵唔錯。
小食薯餅好味，外層超香脆，內餡好creamy, creamy到有少少難用筷子夾。
溏心蛋好食，夠味，小食選擇呢個都唔錯
EPS送嘅
張貼
