1
一嚟當然就有一堆小菜啦，除左唔少得嘅泡菜，仲有翠玉瓜等等，一開始就已經打開咗個胃口。
跟住就到我最鍾意食嘅醬油蟹，醃得十分入味，除左蟹肉嘅鮮甜，仲有蟹膏嘅甘香，而且每啖都有醬油嘅香味。咁食醬油蟹，就緊係要跟返韓國嘅食法，襯返個白飯一齊食，咁就可以食盡醬油嘅味道啦。
食烤肉都係韓國野重要嘅一部份，呢個烤豬肉套餐一次過就可以食到五花肉同豬頸肉，每件都有燒烤嘅香味，而且肉質鮮嫩，配埋韓式辣醬同菜食真係不得了。
朋友就鍾意食韓式煎餅，材料豐富之餘，仲煎得十分香脆同食到雞蛋嘅香味，鍾意食煎餅嘅真係一定要試。
最後，食埋呢個水冷麵就真係perfect。入口酸酸辣辣，仲要凍冰冰，真係啱哂呢啲炎熱嘅天氣。而且食左餐咁豐富嘅野，最啱就係連湯都飲埋，舒解一下膩氣。
