Igatti (已結業)

家人生日，唔想食傳統蛋糕，所以提早預訂咗哩間嘅靜岡蜜瓜拿破崙。本身已經喺WhatsApp預訂時覺得個餐廳負責回覆嘅人唔係太專業，下午問佢地價錢，到凌晨12點幾突然先至回覆，我問咗句要如何預訂，估唔到回答嘅係一句“可以同我訂呀”。叻豬仔，唔通我去搵天后娘娘訂咩。所有對答都好似踢一踢先郁一郁，佢話預訂要網上付款，我唔開口問又唔俾付款link，點做CS呀？個蛋糕不過不失啦，但我對聲稱嘅靜岡蜜瓜就有點保留，完全唔甜唔鬆軟，感覺同大陸瓜差唔多。當然啦起晒肉我係完全無辦法知道貨源係咩，純粹個人感覺吹水啫。個餅底就OK啦。只係OK，無驚豔，無差評。壽星公表示佢係開心嘅，但整體的確係令買cake嘅我覺得失望。最後，送嘅蠟燭如果可以高質少少嘅話相信觀感會好啲。overall嚟講，我下次應該都係買返隔籬東尼黃嘅拿破崙。至少人地加寫字牌都唔駛加$30蚊，哈哈。