麵鮮醬油房周月 (歌賦街)

營業中

休息中

上網見到有人推薦周月，收工就過去試下。疫情期間，非常冷清，入門口前度體溫，搓手，店員帶我入去搵張枱坐低，有個牛皮紙袋裝口罩，個袋好香🤭第一次食，就叫咗同名沾麵“周月沾麵”，價錢超過100蚊，日子久遠無乜印象。個人會覺得日本湯底通常偏鹹，所以叫咗（淡湯，熱麵），湯底始終偏鹹，而且味道單一，唔覺濃厚滋味，有幾件方形五花肉，好香唔騷，筍既份量都足夠。麵方面，個人口味中意軟麵，呢隻麵軟身得嚟彈牙，幾好食，男仔可以挑戰300g份量，但好似收費唔一樣，落單時可以問問。值得一提係糖心蛋好好食，我個人好怕蛋腥味，呢隻完全接受到。沾麵最重要當然係湯底，而呢個同名沾麵湯底頗為一般，需要考慮要唔要俾“second chance”。