龍亭

喺門口搵咗一陣先搵到間餐廳，入到去私隱度都幾高，坐低一陣之後店員就悉心推介。點咗杯啤酒之後就一路望吓睇吓有咩食，最後點咗個兩個入門廚師發辦套餐（五道菜），另外點多咗個燒雞泡魚乾用嚟送酒，燒得啱啱好送酒一流。之後就上咗煙三文魚沙律配黑醋，整體個感覺好和諧，幾夾幾好味。海鮮就選咗老虎蝦、白鱔、扇貝同埋鮑魚，老虎蝦值得一讚，超重蝦味之餘仲十分爽彈，白鱔係必點嘅食完就覺得值回票價，鮑魚同扇貝都好食嘅。之後就叫咗鐵板燒牛肉，油脂分布都幾平均燒得啱啱好，有𡁻頭之餘超級好味。之後就食埋個鐵板炒飯，個味道都係我鍾意嘅口味，食埋個甜品就啱啱好啦。