大阪王將 (已結業)

天津飯加餃子餐，有齊二人份量餃子，天津飯，蛋花湯。天津飯係用珍珠米，面上加蔥花同埋類似蟹既野炒蛋，再淋上汁。蛋份量夠多，起碼兩隻蛋，但汁係比較漏的，好彩配珍珠米都叫夾，咸咸地，好過乾爭爭。馳名餃子有十二隻，係就係皮薄，亦夠脆，食到最尾都夠熱夠脆，但佢地係一排咁煎，黏實晒，一夾就一定爛皮，無辦法。餃子汁加埋天津飯汁就更漏，如果可以夾杯綠茶就更好，但可惜只係得杯水，雖然唔駛叫已經俾就算唔錯架啦。蛋花湯，清清地，夠熱丫。但蛋花湯又係蛋，天津飯又係蛋，個感覺好悶，天津飯汁又漏，餃子汁又漏，咁加埋又係漏。飲水無得飲熱綠茶又係敗筆。