博多拉麵別天神

營業中

休息中

好小寫比較差嘅食評，但今次真係有啲失望！首先去到舖頭，我哋要喺門口選擇左自己想食啲咩，然後再入去坐。餐廳係以日式風格，所以走廊比較窄。店員竟然叫我企出門口，起初我以為係因為未有位，點知佢同我講，佢出唔到嚟。會唔會係比客人坐低咗佢再行出嚟會好啲呢？我哋嗌咗兩個別天神套餐，一個係配餃子另一個係配沙律。小龍蝦蟹子沙律，味道唔錯。但係餃子毫無特別，煎又唔似，蒸又唔係。同超級市場買嘅冇咩分別。餡料唔多。建議大家唔使嗌。拉麵方面，一碗好油，一碗唔油。但係明明係同一款拉麵。餐廳強調湯底係100%豚骨加純水熬製而成，但係我又唔覺得好有豚骨味。平時食拉麵都會好鍾意飲埋啲湯，今次我基本上冇飲過咁滯。唯一叫做係好嘅，面底比較多，但係一啲都唔彈牙。而且越食越口渴。有兩片叉燒，感覺有啲鞋。唯一比較好，係叉燒相對地厚身。