亞蘇爾 (形點) (已結業)

見咁多好評諗住一心試下，因晚上大約6:30冇訂位所以full左，咁唯有下次試。今日下午經開yoho有幸可試下，一入到去， 完全冇人帶位，要行到近水吧位先有個長髮侍應望一望我，我話一位，佢就黑哂面指示我坐卡位。叫左乳豬飯set lunch $158另加$8葡撻，葡撻不過不失，乳豬飯就中伏，成舊燒肉咁，啲乳豬皮唔趣好鞋，下午2:30到全店冇咩客，計埋我得4枱，雖然得兩個侍應，但非常得閒，有其他客人叫冇人應，可能襯下午時段小人做緊內部野掛，要個客自己行出去埋單，坐左接近1個鐘，從來冇聽過一句歡迎光臨或多謝哂，全程黑面，茶餐廳都禮貌過佢地