老夫子餐館 (已結業)

返工期間無意中睇到老夫子漫畫，醒起有間用老夫子做主題的餐廳，立即上網搵到間餐廳係太子，起初仲以為係旺角，銅鑼灣旺區開，估唔到太子呢個較少來的地方有間本地主題餐廳。放工約埋朋友一齊去試下，來到門口就見到老夫子公仔，上一層就到正式餐廳門口，門外已見有好多人等，但我同朋友好快就有位坐，一入就見到牆上好多漫畫，坐低就見到好有趣的餐牌，打開發覺有好多選擇，每一樣食物都有個漫畫中故事的主題，揀左好耐最後決定叫一個焗葡國雞飯，朋友就要蒜香蜆肉意粉，等左陣意粉就有得食，侍應放低意粉就立即聞到好香蒜蓉味，同埋賣相都好吸引，意粉煮得軟硬適中，同埋蜆肉都幾多，加上份量其實都唔少，終於焗飯都來到，第一感覺又係幾大份量，雞塊好多，再加上好多葡汁，而飯就係炒飯底，同埋熱辣辣，一直散發住好香葡汁味，食到差唔多，朋友建議叫杯飲品，我當然贊成，飲品選擇非常多，除咖啡奶茶外，仲有果茶，沙冰及奶昔，最後我要個熱情果茶，朋友要個檸檬姜茶，兩個茶都好足料，都係一壺茶再加隻杯，等你可以慢慢品嘗。其實仲有好多食物未試，唯有下次叫多啲朋友一齊來再食過，先可以叫多啲唔同種類嘅食物