更多
2019-02-22
37 瀏覽
燒吉列牛,好耐無食過喇!今次除咗食吉列牛之外,因為貪心,想食多d嘢,所以叫咗兩款小食同鍋物。由於吉列牛製作需時,所以都等咗一陣。先嚟個鍋物,和牛涮涮鍋,典型日式鍋物,有大蔥、豆腐、菇等等,湯底帶有少少甜味,和牛都算嫩滑嘅,喺鍋到洽咗十分鐘都仲係好滑。吉列和牛薄餅,薄餅皮夠薄,所以唔會話好漏,味道有沙律醬,所以都ok嘅,不過餡料如果多啲就更好喇。明太子燒豆腐,貌似釀豆腐,只係上面塊魚肉換咗做明太子。明太子燒到脆卜卜,配合外脆內軟嘅豆腐,都唔錯嘅。最後當然係主角燒吉列牛啦!外面吉列,入面未熟,所以可以按個人喜好控制熟嘅程度。久違嘅味道,唔知係咪太耐食過,所以覺得特別好食,牛肉味夠濃!正呀!
張貼