永珍越南食館 (已結業)

原本諗住響太子搵一間食下午茶, 行下行下就見到呢間唔錯咁, 就去試下啦, 結果份量比較少, 返到屋企都要食番少少嘢先得😔泰式炒飯 $48一擺上枱就覺得份量已經好少, 如果男仔嘅話一定唔夠飽, 不過味道係唔錯嘅, 炒飯炒得香, 帶有少少香辣嘅感覺, 而且旁邊加咗啲肉鬆 如果份量多啲嘅話就更好。金邊湯粉 $42份量尚可, 但係味道就較為普通, 湯底偏鹹, 而且有好多肥豬肉粒響湯上面, 而其他配料味道還可以。以上套餐免費加杯熱飲, 叫咗一杯熱奶茶同埋熱阿華田, 味道正常發揮。