八不·壽喜燒

營業中

休息中

同朋友諗住午餐喺太子食餐好嘢，順便去大南街飲杯咖啡，朋友推介咗呢度～ 估唔到性價比幾高！餐廳環境走日式簡約風，氣氛輕鬆好似一秒飛咗去日本小店。⭐️八不壽喜燒二人牛盛店員先用一小片牛肉預熱鍋，煎出牛脂香味，再加入洋蔥同京蔥，慢慢煮出壽喜燒汁嘅香氣，過程好有儀式感。@ 日本A5佐賀牛油花靚到不得了，雪花紋理均勻，入口即化，肉質鮮嫩，壽喜燒醬汁甜鹹適中，帶出牛肉嘅鮮甜，食到停唔到口！@和牛封門柳肉味濃郁，口感柔嫩帶點咬勁，點埋生蛋汁，滑溜溜又解膩@澳洲和牛牛小排煎烤後外焦內嫩，肉汁爆發，脂肪同肉比例均勻，呈大理石紋，食落香口多汁，超滿足@野菜拼盤好豐富，有白菜仔、娃娃菜、金針菇、豆腐、洋蔥、大蔥、南瓜同粉絲，蔬菜新鮮，吸晒壽喜燒汁嘅精華，食落清甜解膩🥢額外點咗蒲燒海鰻，燒得皮脆肉嫩，醬汁甜香，入口軟滑好惹味🥢吉列廣島蠔即叫即炸，外層麵包糠香脆，內裏蠔肉Juicy🥢日式年糕Q彈甜美，簡單但好食，當小點心啱啱好🥣柚子果汁酒清新開胃，柚子酸甜同微酒精味好夾，配燒肉同辣菜好正，飲落解渴又唔會太甜。