鮨池壽司店 (已結業)

係太和的八號花園附近其實都多美食，呢間餐廳如果由太和站行過去的話，腳程約10分鐘到，尚算方便。餐牌選擇頗多，除左有刺身、拼盤、卷物、手捲、沙律、燒物、小食炸物外，壽司款式都五花八門，想手握、時令定軍艦都有得嗌。當然，沙律、燒物、小食炸物及「丼飯、熱食及冷麵」等等都任君選擇。清清楚楚咁羅列晒出黎，簡簡單單直接得多!漬物 - 開胃前菜:份量少少，蕎頭及蒜頭入口酸酸甜甜，開胃之選原條蓮子鯛清甜彈牙，鮮味十足，睇住師傅即叫即整，食刺身就係要食佢種鮮味，基本上唔需要點鼓油去吊味XD食完刺身，經理更會溫馨建議幫我們用魚頭煲成湯，將成條魚充份善用。時令壽司 8件選擇困難症者大愛，師傅精選，每款2件，日本米軟熟腍身帶微暖，1人1件不用爭😜原味燒廣島蠔通常燒蠔都偏細隻，始終海鮮縮水係正常現象。估唔到呢款廣島蠔燒完都幾大隻，食落口有淡淡的海水味，少吃多滋味!燒牛舌色澤金香，肉味重得黎又唔會比調味搶去主角光環，水準不下於主打串燒的日式餐廳，大推介野菜魚湯烏冬湯底好鮮甜，除左上盛魚骨外，更有娃娃菜及草菇等湯料，可以一啖烏冬一啖配菜，輕主食之選整體黎講，侍應殷勤有禮，會時不時主動收拾枱面及倒茶。裝修比人一種家的