阿來客棧雞煲火鍋 (已結業)

呢幾日凍凍地，星期日下午在銅鑼灣行完街一於食個雞煲暖暖身。呢位位於渣甸中心高層嘅火鍋店，我哋5點幾就上到去，裝修非常新淨，店名叫客棧，果然擺設的主題都是圍繞古代客踐而設，用實木造古代客棧有嘅長木枱長板木凳，每張枱都掛上古式的掛燈，別出心裁。 值得一提的是每張枱上蓋都有通風系統設備裝置，令整間店通風都很好，食完唔會整件衫都有陣雞煲味。 =馳名重慶辣雞煲(半隻) $168=香噴噴的雞煲，有5個程度的辣度任君選擇，適合唔同朋友需要。我哋選擇小辣，屬於5個辣度的中間level 3。食落辣味都好明顯，不至於太辣，值得一提的是除咗基本辣椒等香料之外，留意到煲內加入了蒜片，相信是有助帶出香味。整盆雞每一舊都好大件，雞件唔會話細細舊無肉食，而且咬落好有口感，肉質鮮嫩亦能沾上惹味雞煲醬，一個字：正！ 食完雞煲後，當然就到火鍋喇！另一個值得推介嘅地方就係呢間店可以半份半份咁叫，適合兩小口子的我們。有時兩個人打邊爐叫食物真係好難，經常會發生係太大碟食唔晒，然後埋單又好貴，呢間就啱曬，半份半份咁叫，份量啱啱好又可以試多些不同款式。 =廣島蠔 $68/4隻=雞煲可以以優惠價$68有4隻廣島蠔，我地當然唔會執輸。