胡爐 (已結業)

上個月同大學roommate 食飯，之前有食過尖沙咀嗰間醉胡爐，覺得都幾好食，今次為左就返其中一個朋友係港島返工，所以就揀咗喺銅鑼灣既胡爐試吓。可能因為我哋人數比較多既關係，所以餐廳安排左間房俾我哋坐，裝修都幾有心思，好有中國特色。我哋叫咗個雞煲食，開始嘅時候店員落咗配料同埋酒一齊落去煮隻雞，煮到非常之香，之後再加咗好多椰汁去煲，令到成個鍋非常之有椰汁味。另外我哋亦都叫咗一碟肥牛、墨魚滑、肉丸等等，雖然份量唔算話特別多，但都有一定嘅水準。總括來講，我最鍾意就係佢哋嘅招牌雞煲，非常之有椰汁味，服務都唔錯，周不時都會入嚟房到問吓我哋有冇需要，下次有機會會再過嚟食。