更多
2020-07-16
1374 瀏覽
由於今日去另一間黃店遇到服務態度極差,令我諗起7月頭我同屋企人特登揸車過尼坑口村食飯,當日正想食西餐但係因為冇辦法太多人冇得坐室內,有個侍應叫我去隔離日本餐。點知日本餐有兩個女侍應態度極之差,全程我哋食飯好唔愉快。心態永遠唔會再幫襯,星期二再次經過坑口村,希望遇見老闆可以反映下員工嘅態度,一開門就係一個女侍應熱情咁招呼我哋,但係我哋並沒有抱住好大嘅期望,因為太失望!一入去舖頭就望一望周遭嘅環境,當時個女侍應該係清洗緊雪櫃,今次環境竟然係比上次舒服好多,先講地下冇雜物冇垃圾。呢一位有女侍應同上一次嘅女侍應實在太大分別!我哋點餐嘅時候佢迅速地過咗嚟,我哋專登用一啲不友善嘅態度對佢,但佢依然10分熱情咁去為我哋介紹每一道菜,整個用餐時間我哋用咗兩小時左右,係呢兩小時入邊個侍應不斷做清潔,見到佢都有用電話同同事傾偈,但係個內容唔係講客人是非,類似講水晶等等嘅話題,最後忍唔住同佢講聲上次嘅經歷,佢聽咗之後不斷同我哋道歉,我哋再向佢查詢佢係咪新來嘅員工,原來佢話佢主要負責西餐,仲話俾我哋聽如果下一次可以坐西餐叫日本餐都冇問題佢會親自招呼我哋!最後佢俾左張濕紙巾我,上面印有西餐專線,今次嘅用餐體驗我
西餐專線係26513822
呢位女侍應叫Venus
心地善良又有禮貌,酒店都冇咁嘅態度
張貼