更多
2020-07-23
336 瀏覽
今日放假，約咗人喺天后交收，之後去附近行下，順便買外賣。見到馬路對面有間「棋哥燒鵝」，就一於買兩盒燒味飯返屋企。餐廳門口貼有外賣燒味和燒味飯價目表，清晰易明，可以先細心研究，睇下想食邊款才購買。招牌燒鵝喺其他分店食過，見到燒臘櫃入面掛住嘅叉燒同腩仔好靚，今次就一於試下棋哥叉燒飯同脆皮燒腩仔飯 。兩盒飯都好墜手，份量十足。棋哥叉燒飯 ($48)：叉燒夠厚切又大件，肉質鬆軟，咬下去肉味香濃，唯一係稍嫌燶邊位唔多，幸好食落依然帶少許焦香，加上醃料不會過鹹，叉燒汁分量亦剛好，整體來說很惹味。白飯有飯香，而且可以吸到叉燒汁的香味。至於脆皮燒腩仔飯 ($48) 味道亦唔錯，腩仔肥瘦比例剛好，外皮脆卜卜，皮下唔會有太多脂肪；燒肉夠腍，肉質鬆化又無渣，肉味偏甜唔太鹹，有肉汁。希望疫情快過，下次可以入去堂食就好喇！
今日放假，約咗人喺天后交收，之後去附近行下，順便買外賣。見到馬路對面有間「棋哥燒鵝」，就一於買兩盒燒味飯返屋企。
餐廳門口貼有外賣燒味和燒味飯價目表，清晰易明，可以先細心研究，睇下想食邊款才購買。
招牌燒鵝喺其他分店食過，見到燒臘櫃入面掛住嘅叉燒同腩仔好靚，今次就一於試下棋哥叉燒飯同脆皮燒腩仔飯 。
兩盒飯都好墜手，份量十足。
棋哥叉燒飯 ($48)：叉燒夠厚切又大件，肉質鬆軟，咬下去肉味香濃，唯一係稍嫌燶邊位唔多，幸好食落依然帶少許焦香，加上醃料不會過鹹，叉燒汁分量亦剛好，整體來說很惹味。白飯有飯香，而且可以吸到叉燒汁的香味。
至於脆皮燒腩仔飯 ($48) 味道亦唔錯，腩仔肥瘦比例剛好，外皮脆卜卜，皮下唔會有太多脂肪；燒肉夠腍，肉質鬆化又無渣，肉味偏甜唔太鹹，有肉汁。希望疫情快過，下次可以入去堂食就好喇！
張貼
