燒肉屋 (清風街)

最近喺港島區返嚟，所以都發掘咗唔少餐廳美食。今日去咗位於天后清風街嘅燒肉屋，餐廳主打韓式燒肉。餐廳裝修好靚，好有風格，一邊播住韓文歌，一邊食韓式燒肉，非常正！我哋嗌咗啲刺身、肉類同飲品。時令海膽 $198海膽原價$396 ，而家用優惠價已經可以食到一版海膽，好抵食！海膽份量多，食落好新鮮、好鮮甜，質地creamy。餐廳配搭咗紫菜，等我哋可以捲埋啲海膽一齊食，更加好味。原條厚切牛舌 $289牛舌真係超推介！超厚，超大塊！首先，牛舌嘅油花已經好靚，油脂分布平均，面頭只係用咗少少鹽同黑胡椒做調味，已經好足夠。餐廳有指引教導我哋咁樣燒好塊牛舌，非常貼心！牛舌燒好後厚得嚟好軟淋、又彈牙，充滿油脂，好好味！四味五花肉 $188五花肉總共有四大條，分別係椒鹽、韓式醬汁、蔥蒜同果味醬汁味，唔同嘅調味，已經將五花肉嘅味道昇華。比較特別嘅係蔥蒜味，五花腩醃到好入味，出面帶有綠色嘅蔥蒜醬汁，所以食落非常之惹味同香口。果味醬汁味就甜甜地。五花肉燒到外邊焦脆，內裏肉質嫩滑，仲帶有重重嘅油脂感，會滿足啊！芒果北海道牛奶乳酸 $48芒果乳酸飲品好啊，可能乳酪味，仲有啲芒果粒。藍蝶花佛手柑熊茶 $68呢杯飲品非常之適