影片
更多
2025-05-03
477 瀏覽
有時食得太多西式甜品，都會掛住暖笠笠又滋補養生嘅傳統甜品 。呢日嚟咗天后見到呢間手工糖水店，就入咗去食個下午茶啦🤤白果腐竹蛋糖水幾鍾意呢個滋補嘅糖水，味道唔算太甜，入面有勁多白果同埋腐竹🥳 仲有一隻好大隻嘅雞蛋🥚 香滑芝麻糊芝麻糊係勁綿密濃郁嗰種，質地幾稠杰，食得出餐廳用咗勁多芝麻整成，但係質地唔會仲有粒粒，係打到勁幼細香滑😮 純正杏仁露杏仁露嘅質地都係比較杰身，係一種好養顏嘅味道🥰 我地仲追加咗兩粒芝麻湯丸，外層煙煙韌韌，咬開咗嘅芝麻餡都幾香滑。咖哩魚旦豬皮餐廳仲有提供小食，嗌咗呢一份惹味嘅咖喱魚蛋豬皮🍡 本來咖喱嘅味道唔算好辣，但係餐廳加埋咗秘製街頭辣醬，令到小食更加有香港街頭小吃特色🤣混醬腸粉呢一個份量非常多，腸粉嘅質地偏實淨，加埋有大量嘅甜醬麻醬同埋豉油🫢 真係啱晒鍾意食重口味嘅我。 餐廳仲提供咗幾款飲品，我哋嗌咗罐可樂，配埋兩份小食味道唔錯🥤店家話佢哋之前係喺西環開舖嘅，近排先搬咗過嚟天后，位置更加方便啦😚
白果腐竹蛋糖水
幾鍾意呢個滋補嘅糖水，味道唔算太甜，入面有勁多白果同埋腐竹🥳 仲有一隻好大隻嘅雞蛋🥚
香滑芝麻糊
芝麻糊係勁綿密濃郁嗰種，質地幾稠杰，食得出餐廳用咗勁多芝麻整成，但係質地唔會仲有粒粒，係打到勁幼細香滑😮
純正杏仁露
杏仁露嘅質地都係比較杰身，係一種好養顏嘅味道🥰 我地仲追加咗兩粒芝麻湯丸，外層煙煙韌韌，咬開咗嘅芝麻餡都幾香滑。
咖哩魚旦豬皮
餐廳仲有提供小食，嗌咗呢一份惹味嘅咖喱魚蛋豬皮🍡 本來咖喱嘅味道唔算好辣，但係餐廳加埋咗秘製街頭辣醬，令到小食更加有香港街頭小吃特色🤣
混醬腸粉
呢一個份量非常多，腸粉嘅質地偏實淨，加埋有大量嘅甜醬麻醬同埋豉油🫢 真係啱晒鍾意食重口味嘅我。
餐廳仲提供咗幾款飲品，我哋嗌咗罐可樂，配埋兩份小食味道唔錯🥤店家話佢哋之前係喺西環開舖嘅，近排先搬咗過嚟天后，位置更加方便啦😚
張貼
