更多
2021-05-03
520 瀏覽
大角咀利奧坊最近開了一系列餐廳，雖然在屋企附近我都好少的過去探索，終於有朋友仔約我去 Lost Stars Livehouse Bar & Eatery 食下午茶，先發現有間咁精緻又有特色的餐廳。唔講唔知，原來利奧坊有一期和二期，唔怪得成日搵唔到d餐廳！這天我從奧海城行過去，以為餐廳在利奧坊二期搵唔到，睇埋樓層指南都唔見，再開 google map 先發現好似有另一座，要行多一個街口先搵到。餐廳入面都幾大喎，中間用透明膠片圍起的原來是舞台！我看了好一陣子才發現，店內座位都很高貴的感覺，配色亦蠻似去 livehouse 聽音樂。牆上像城市 skyline 或是聲頻的設計幾有趣，入面亦有型格的霓虹燈飾。我入去之前已經睇中左個窗邊位，有棵黃色花又有大玻璃窗自然側光，影打卡相食物相都最一流。這邊不是吃三層那種下午茶，自選輕食或甜品再送飲品，想喝特飲也可以加錢轉。鹹食有一款係素食，甜品選擇最吸引係個芝士蛋糕。午餐原來食到 17:30 ，如果你想吃飽一點也可以揀，午餐與下午茶同時存在都可以食。蜜糖蛋沙律牛角堡 HK$68(set) / 玫瑰牛奶咖啡 +HK$28牛角包看起來有點沒精神，但咬落去味道
大角咀利奧坊最近開了一系列餐廳，雖然在屋企附近我都好少的過去探索，終於有朋友仔約我去 Lost Stars Livehouse Bar & Eatery 食下午茶，先發現有間咁精緻又有特色的餐廳。
唔講唔知，原來利奧坊有一期和二期，唔怪得成日搵唔到d餐廳！這天我從奧海城行過去，以為餐廳在利奧坊二期搵唔到，睇埋樓層指南都唔見，再開 google map 先發現好似有另一座，要行多一個街口先搵到。
餐廳入面都幾大喎，中間用透明膠片圍起的原來是舞台！我看了好一陣子才發現，店內座位都很高貴的感覺，配色亦蠻似去 livehouse 聽音樂。牆上像城市 skyline 或是聲頻的設計幾有趣，入面亦有型格的霓虹燈飾。
我入去之前已經睇中左個窗邊位，有棵黃色花又有大玻璃窗自然側光，影打卡相食物相都最一流。
這邊不是吃三層那種下午茶，自選輕食或甜品再送飲品，想喝特飲也可以加錢轉。鹹食有一款係素食，甜品選擇最吸引係個芝士蛋糕。
午餐原來食到 17:30 ，如果你想吃飽一點也可以揀，午餐與下午茶同時存在都可以食。
蜜糖蛋沙律牛角堡 HK$68(set) / 玫瑰牛奶咖啡 +HK$28
牛角包看起來有點沒精神，但咬落去味道有驚喜喎！入面個蛋沙律夠足料夠澎湃，而且個味溝得幾好食，配幾條生菜和番茄都幾完滿。玫瑰牛奶咖啡喝起來夠香，而且玫瑰糖漿並沒有好甜或有假味，我都幾滿意。
巴斯克焦香芝士蛋糕 HK$78
餐牌上面張相明明有塊乾橙片好靚咁樣，實物原來係比較簡約的擺盤。芝士蛋糕吃起來味道正常，又沒有很驚豔的感覺。
有機綠茶 / 花茶 (蘋果,玫瑰草,玫瑰花瓣,紅茶)
跟餐的茶飲係用好靚的茶杯上，雖然唔係一壺一壺，見在係貴族感花紋就原諒佢。茶包都係用「OR TEA？」，原來係香港牌子喎。
朱古力心太軟蛋糕配雲呢拿雪糕 HK$78
心太軟需要一點時間焗製，原來咁迷你而且有點塌，蛋糕只有很薄的一層，入面全部都係朱古力醬，變成朱古力醬配雪糕咁樣。
大角咀近近地原來有間咁骨子的餐廳，喜慶節日約會休閒都好合適啊！
張貼
