那個ㄋㄚˋ ㄍㄜ˙ (埃華街) (已搬遷) 新店位置

終於食到大角咀人氣台式餐廳 @nagetwfood 💛其實想食好耐，今次終於有機會試到💛.呢度冇得訂位要Walk in，長期都見到門口有人龍，排咗一陣唔算好耐就入得，不過門口等緊嘅時候勁多蚊😨.入到去感覺真係好台灣，佢哋仲聯乘左貓叔同爵爵嘅漫畫，從飲品到裝飾到處都係佢哋嘅Logo😋.聽講佢哋呢度最出名就係那個招牌滷排骨便當（$66）我哋當日要點一份，佢個炸排骨其實即係炸豬扒，真係勁大塊大塊過我塊面！而且上台嘅時候你會俾佢嘅大震撼到😝 新鮮炸起味道都好香脆Juice，唔會因為大塊就覺得好柴，同埋佢嘅便當真係做到好似台灣嗰啲咁有三份配菜跟飯，份量之多連我都覺得性價比高！😋.另外兩個朋友點咗香酥脆雞便當（$64）同埋滷香雞球便當（$66），其實呢兩個便當有啲相似，都係有兩件大大嚿嘅炸雞球放喺飯上邊，兩個都係好外脆內嫩嘅炸雞球，真係炸得唔錯㗎，個區分就係香脆雞球便當我哋揀咗海苔味，滷雞球就的確比較入味，我都鍾意滷雞球嘅味多啲！.其他飲品小食真係做到好有台式風味😋整體來講都唔錯，大件夾抵食之選，美中不足係食得比較趕，因為用餐時間得一個鐘，如果想傾耐少少或者慢慢坐嘅就要轉場啦，我哋嗰日都傾到喉唔到