更多
2021-02-12
667 瀏覽
年底時去銅鑼灣路經呢間門面幾英倫風🇬🇧既cafe，見到佢地soft opening已經好有興趣，前兩個星期六終於有時間去試😆當日我地大約4點去到前面有5組客人排緊👫👭，最後等左起碼40分鐘先有得入座🪑，唔算好耐，但等待時間總係過得特別漫長😫.有別於一般cafe，呢度既menu並無出現漢堡包🍔、all-day breakdast🔆又或者係pancake🥞呢類人氣item，取而代之係一共5款以地名為名既brunch plate，分別係London🇬🇧、Paris🇫🇷、Yokohama🇯🇵、Calcutta🇮🇳同Hong Kong🇭🇰，每款都會呈現返個個地方既特色食物，加上cafe走既係fusion路線，巧妙地從細節位上將西式融合，甚具創意🤗至於輕食就有法式杏仁酥、朱古力撻、玉桂卷同幾款是日甜品，由於當日我地太晏去到，最想試既London同Calcutta 兩款大熱brunch plate同埋玉桂卷已經賣晒，好可惜試唔到😢******************************✨ Yokohama🇯🇵 ($158)呢款brunch係由牛丼🐮、蛋🥚、醃蘿蔔、焦糖洋蔥🧅同日式燒醬組成，雞蛋同
年底時去銅鑼灣路經呢間門面幾英倫風🇬🇧既cafe，見到佢地soft opening已經好有興趣，前兩個星期六終於有時間去試😆
當日我地大約4點去到前面有5組客人排緊👫👭，最後等左起碼40分鐘先有得入座🪑，唔算好耐，但等待時間總係過得特別漫長😫
.有別於一般cafe，呢度既menu並無出現漢堡包🍔、all-day breakdast🔆又或者係pancake🥞呢類人氣item，取而代之係一共5款以地名為名既brunch plate，分別係London🇬🇧、Paris🇫🇷、Yokohama🇯🇵、Calcutta🇮🇳同Hong Kong🇭🇰，每款都會呈現返個個地方既特色食物，加上cafe走既係fusion路線，巧妙地從細節位上將西式融合，甚具創意🤗
至於輕食就有法式杏仁酥、朱古力撻、玉桂卷同幾款是日甜品，由於當日我地太晏去到，最想試既London同Calcutta 兩款大熱brunch plate同埋玉桂卷已經賣晒，好可惜試唔到😢
******************************
✨ Yokohama🇯🇵 ($158)
呢款brunch係由牛丼🐮、蛋🥚、醃蘿蔔、焦糖洋蔥🧅同日式燒醬組成，雞蛋同平時食既無太大分別，略帶醬油味唔會醃得過鹹，蛋黃夠溏心食落幾黏口；雖然menu上寫住配既係班尼迪蛋，但無論視覺、味道還是質感上佢都同一隻溏心蛋無異，味道正正常常🧐
主角係兩大塊約3至4成熟既牛肉薄片🐮，粉嫩得黎亦無血水滲出，怕食生肉既朋友可以放心👌🏻 個人認為牛肉尚算嫩滑，食落有𡁻勁但就比較難咬開，牛味唔算好濃😅
值得加分既係牛肉下面既米漢堡，表面帶有焦香，食落脆卜卜好有咬口，而淋係上面既燒醬係偏向真.日式既味道，份量足夠同唔油膩，夾埋蛋黃醬同焦糖洋蔥一齊食，味道令人開胃😋
雖然牛肉個部份不完美，但個人覺得日後再訪encore都無妨👌🏻
-
✨Hong Kong🇭🇰 ($108)
呢款代表住本土既brunch係經典午餐肉所製成既junk Scotch egg🥚，個人認為處理手法做得唔錯，外層夠香脆，質感夠結實唔會鬆鬆散散👍🏻
只係礙於午餐肉既形象實在太深入民心，炸餐肉蘇格蘭蛋聽落幾有噱頭，其實只係將午餐肉原本既形態改變，食完未有令人驚艷既感覺，個人認為都係原塊午餐肉咁食會比較有滿足感🙈
飯底用既係日本米🌾，軟硬適中口感不錯，淋埋豉油同加左蔥花更有燒味飯既神髓就更加地道，另外亦同樣有醃蘿蔔、焦糖洋蔥🧅同埋紅蘿蔔🥕、紫椰菜絲作配菜；可惜飯底🍚只靠豉油襯托略嫌濕潤度不夠，食左幾啖覺得有啲dry🙈
-
✨ 朱古力撻🍫 ($38)
朱古力撻質感濃稠，然而食落只有甜度，可可味道並唔香濃， 如果平時食開有%既朱古力大概會覺得佢既可可味道只屬一般😣
撻皮以杏仁粉取代傳統麵粉，無麩質關係所以質感偏淋唔會好酥脆，但最令人無言既係撻皮既味道奇怪，並非杏仁粉既味道而係好大陣雪櫃味，不禁會令人猜想到底係存放不當定係已經製作左一段時間etc.，呢一點cafe真係有必要要改善😥
當日見到隔離枱食緊件好似waffle既almond pear tart，出於隔離飯香既心態本人係好後悔點左呢件味道不討好既朱古力撻😂
-
✨ 味噌焦糖拿鐵☕️ (Hot $50)
呢杯結合左味噌同焦糖既咖啡有創意得黎味道仲唔突兀，係呢度既大熱咖啡之一🌟
味噌既味道唔會太明顯，而多左味噌之後焦糖既甜度稍被中和，甜度剛好唔會只有死甜，不過焦糖既香氣就無乜🤨
-
✨ 蜜糖肉桂拿鐵🍯☕️ (Hot $50)
咖啡製作時離遠已經聞到濃烈既肉桂味，對於唔鍾意肉桂個陣香料味🌿既朋友可能未必接受到🤣
雖然肉桂既味道都幾重但就不帶辛辣感，咖啡入口之後再慢慢細味會感受到蜜糖🍯既存在，個人幾喜歡呢杯咖啡既味道，冬天❄️飲就更加覺得溫暖☺️
美中不足既係呢度既咖啡感覺似係以特色為主，咖啡既味道其實唔太突出，如果平時係飲開咖啡/稍為對咖啡有要求既，呢度既咖啡就未必滿足到味蕾😅******************************
👧🏻人均消費：$200
😋味道指數：3.8/5
💰抵食指數：2.5/5
🪑環境指數：3.5/5
💁🏻♀️服務指數：3/5
👍🏻再訪指數：3.5/5
-
📍Passepartout
地址：銅鑼灣駱克道447-449號中威商業大廈地鋪2號舖
⏰營業時間：09:00–18:00(Mon–Sun)
張貼
