名 料理 (已結業)

今日平日，難得收工收得早，同屋企人入嚟大美督行吓，順便食埋飯。聽朋友講大美督開咗間日式料理，所以特登入嚟試吓。驟眼睇啲價錢都幾平，都幾抵食，佢呢度門口可以泊車，揸車嚟嘅朋友都可以直接泊喺度，不過位就唔多，先到先得，如果泊唔到就拍過對面停車場。好有日式居酒屋嘅味道。先試下個雞泡魚乾，燒完出嚟好香，好甜，點埋沙律醬送酒一流。啲刺身叫咗少少試吓，都幾新鮮，份量都算幾大。串燒叫咗蟶子、安格斯牛柳粒同埋燒雞翼，鹽燒雞翼本身都已經好夠味，安格斯牛柳粒連埋個醬，好香，質地好淋，聖子好新鮮。最後試咗個海膽炒飯，海膽嘅份量都幾多，同埋海膽都幾新鮮，食入口有浸甜味，唔似得出邊食嗰啲油浸苦澀味，另外個飯仲有好多海鮮，包括魷魚、孩子、蝦等等，整體來講真係唔錯，性價比都幾高。