更多
2017-04-28
5456 瀏覽
週日去到元朗，本來男朋友去老馮飲茶仔，等位嘅人不少；於是轉場，呢間過橋麵檔都一直係想試之列，但次次經過都有唔少人等位。唔知係咪當日落微雨，感覺人流冇平時見到嘅咁多，決定等一下。而事實上，我地最終只係等左10分鐘唔洗過橋麵檔嘅位置都幾多，被安排坐四人枱，搭枱係基本，張枱就唔係好大，每人點左一個飯，我同男朋友點埋滷味，僅僅放得落。供應霸王雞、豉油雞、巴辣雞、鹹雞，跟菜飯/粉麵/白飯，另有咖喱、湯麵、小食、炒粉麵飯、滷拼等，定價唔算好貴，同連鎖茶餐廳差不多。經濟鹹雞菜飯套餐 $62 (配老火湯)鹹雞菜飯相當有份量，講真先唔好講味道，起碼幾抵食先啦。老火湯都唔hea，飲落唔會淡茂茂，亦都唔係味精湯，雞腳都已經煲到腍哂。鹹雞有脾有胸，肉多骨少，比起霸王雞更有雞味，但就唔係好夠鹹，脾位當然會滑啲，胸就點都鞋啲，正常。加埋好大兜飯，兩個人都夠食。霸王雞菜飯 $54 (配凍檸茶+$7)霸王雞嘅份量一樣多，我事後先見到原來可以加錢指定部位。冇指定就脾、胸、翼乜都有啲啦，雞肉明顯比鹹雞嫩，但都唔算話好滑。面頭有炸蒜、蔥絲、薑絲，加埋大量豉油，食落都唔會好鹹，最正係墊底有大量芽菜，送飯一流平時我就唔鐘意食菜
唔知係咪當日落微雨，感覺人流冇平時見到嘅咁多，決定等一下。而事實上，我地最終只係等左10分鐘唔洗
過橋麵檔嘅位置都幾多，被安排坐四人枱，搭枱係基本，張枱就唔係好大，每人點左一個飯，我同男朋友點埋滷味，僅僅放得落。供應霸王雞、豉油雞、巴辣雞、鹹雞，跟菜飯/粉麵/白飯，另有咖喱、湯麵、小食、炒粉麵飯、滷拼等，定價唔算好貴，同連鎖茶餐廳差不多。
經濟鹹雞菜飯套餐 $62 (配老火湯)
鹹雞菜飯相當有份量，講真先唔好講味道，起碼幾抵食先啦。
老火湯都唔hea，飲落唔會淡茂茂，亦都唔係味精湯，雞腳都已經煲到腍哂。
鹹雞有脾有胸，肉多骨少，比起霸王雞更有雞味，但就唔係好夠鹹，脾位當然會滑啲，胸就點都鞋啲，正常。加埋好大兜飯，兩個人都夠食。
霸王雞菜飯 $54 (配凍檸茶+$7)霸王雞嘅份量一樣多，我事後先見到原來可以加錢指定部位。
冇指定就脾、胸、翼乜都有啲啦，雞肉明顯比鹹雞嫩，但都唔算話好滑。
面頭有炸蒜、蔥絲、薑絲，加埋大量豉油，食落都唔會好鹹，最正係墊底有大量芽菜，送飯一流
平時我就唔鐘意食菜飯，呢個又可以喎，唔會太濕太爛，但真係好大碗，出盡奶力都食唔哂。
自選拼盤三餸 $46 (滷大腸、雞腎、豬頸肉)滷水可選豬耳/滷豬手片/牛脷/雞腎/雞蛋/滷大腸/素鵝/豬頸肉/紅腸，多叫多平啦，不過番地得兩個人食唔到咁多，只係揀左三款。
滷水味唔夠香濃，好似食緊豉油拼…豬頸肉夠腍；豬腸太瘦，而且唔係大腸，因為一般大腸都較粗厚；雞腎太硬，都係普通野。
就算你鐘意食滷味，都唔建議，叫雞最穩陣。
整體黎講，過橋麵檔嘅雞飯都冇令我失望，一來味道唔錯，二來份量足，特別係鹹雞，好似我喺老鍊咁遠鄉下食到嘅雞味。當然啦，如果你話要老西咁遠入黎食，又排哂隊就不必喇，黎開都可以一試。
餐牌：
張貼
