聚來車仔麵

營業中

休息中

蔥油雞扒飯 賣相吸引，真係好多蔥！雞扒份量十足，煎得好香，配上豉油一流👏🏼車仔麵有好多餸、麵類可以揀😍 選擇困難症嘅人可能要諗好耐🤣 最後揀咗金菇、蘿蔔、豬皮，份量都多，米線好軟滑，湯底揀咗滷汁，甜甜地好好味！麻辣豬紅去車仔麵店一定會想食豬紅🤣 唔係好辣，都有好多粒豬紅，咬落爽口，推介！爆漿阿華田西多士 呢度嘅招牌菜式，中間阿華田+淡奶好似個湖咁，非常吸睛！切開嗰下真係會有爆漿效果，非常岩打卡！外皮食到阿華田粉，整體亦唔會太甜膩～環境都唔錯，車仔麵啲來講算乾淨，店員好親切，俾我哋坐好耐都得👍🏼