大瀛喜日本料理 (已結業)

難得平日放假，去到旺角大瀛喜食放題，基本上食親放題都係諗起大瀛喜系列嘅舖頭，貪佢哋質素夠穩定，價錢亦相對合理！😃前菜區係我比較欣賞大瀛喜嘅一個位，因為我本身幾鍾意食日式前菜🤣放題有得任食好多平時要散叫嘅前菜，可以滿足到我嘅食慾😋估唔到而家仲有啲炸物，等緊刺身、壽司上枱嘅時候就可以攞少少嘢食住先🤣重頭戲就係刺身喇，三文魚、吞拿魚、油甘魚、甜蝦、赤蝦、北寄貝、帶子、榮螺，通通都叫晒🤩三文魚厚切，大大件😍肉質嫩滑，魚味濃郁😬叫得好瘋狂，係放題先可以盡情咁樣嗌😝飲品櫃有Apple Cider、Asahi呢兩款比較高質嘅罐裝飲品！店舖亦有提供自家製嘅冷泡茶，今次就飲咗白桃烏龍茶🍹健康得嚟又解膩，提供罐裝飲品以外嘅選擇！