舍利鮨 (已結業)

已經有一年多冇得去日本旅行, 黎食個高質日本菜當係補償下自己😆一入餐廳覺得裝修幾靚, 是高級典雅路線, 環境乾淨整潔, 今次用餐體驗良好~大拖羅: 滿滿的油脂在嘴內溶化係超滿足, 師傅刀工唔錯, 大拖羅下刀精準無筋位, 同我一樣係拖羅愛好者的話可以一試!拍賣級海膽: 海膽食得多, 呢個海膽係非同凡響,  食落去幼滑而細膩, 一試難忘!車海老: 食落去仍然感受到蝦肉的新鮮彈牙, 好食!白子: 我以前對白子的印象麻麻, 今日一食完來佢一D都唔腥, 反而入口好軟好輕好滑溜!金目鯛: 肉質細緻鮮美, 魚肉呈淡淡櫻花粉色, 賞心悅目