更多
2020-09-30
822 瀏覽
好耐之前喺日本食過火鍋，一直念念不忘，今日經過呢間火鍋店，見到有沖繩期間限定嘅火鍋，只係$198可以食到日本阿古豬放題(90分鐘）就試吓佢啦！結果係非常非常滿意，本身我都唔係十分喜歡食豬肉，因為好多時呢一類連鎖火鍋店嘅豬肉都淡而無味、或者又鞋又韌。不過大將嘅阿古豬真係令人驚喜，入口有好香濃嘅豬肉味，厚度適中，唔會太薄但又唔會太韌，同我上次喺日本食嘅阿古豬一樣，食得返日本風味，真係好正！火鍋湯底我地揀咗「松葉蟹味噌湯」及「山葵鹽骨膠原雞湯」，呢兩款湯底都係期間限定㗎！松葉蟹湯底仲會配埋一份松葉蟹腳、蟹味好濃好鮮味，雖然份量唔多不過都足夠吊吓癮。推介！值得一讚係原來非常乾淨，而且枱面設計非常細心。一坐低店員解釋木架上邊係放膠碗，膠碗係用嚟攞出面的配料，而木架下面就係擺肉類，咁就唔會放到成枱都係！好抵讚！嘢食方面除咗頭先大讚嘅阿古豬，五花肉同埋雞肉都好出色，五花肉嘅脂肪比較多，入口好重油香味，好香口。雞肉出奇地非常滑嫩，我以前係唔會食火鍋嘅雞肉，今次竟然食晒！出邊可以拎嘅配料選擇都好多，有火鍋配料，亦有熟食。我哋試咗個沖繩式木魚燒苦瓜，好有日本風味，好食。有一種返雞蛋亦都係非常抵讚，唔係咁多
好耐之前喺日本食過火鍋，一直念念不忘，今日經過呢間火鍋店，見到有沖繩期間限定嘅火鍋，只係$198可以食到日本阿古豬放題(90分鐘）就試吓佢啦！
結果係非常非常滿意，本身我都唔係十分喜歡食豬肉，因為好多時呢一類連鎖火鍋店嘅豬肉都淡而無味、或者又鞋又韌。不過大將嘅阿古豬真係令人驚喜，入口有好香濃嘅豬肉味，厚度適中，唔會太薄但又唔會太韌，同我上次喺日本食嘅阿古豬一樣，食得返日本風味，真係好正！
山原島阿古豬
23 瀏覽
0 讚好
0 留言
火鍋湯底我地揀咗「松葉蟹味噌湯」及「山葵鹽骨膠原雞湯」，呢兩款湯底都係期間限定㗎！松葉蟹湯底仲會配埋一份松葉蟹腳、蟹味好濃好鮮味，雖然份量唔多不過都足夠吊吓癮。推介！
值得一讚係原來非常乾淨，而且枱面設計非常細心。一坐低店員解釋木架上邊係放膠碗，膠碗係用嚟攞出面的配料，而木架下面就係擺肉類，咁就唔會放到成枱都係！好抵讚！
嘢食方面除咗頭先大讚嘅阿古豬，五花肉同埋雞肉都好出色，五花肉嘅脂肪比較多，入口好重油香味，好香口。雞肉出奇地非常滑嫩，我以前係唔會食火鍋嘅雞肉，今次竟然食晒！
五花肉
16 瀏覽
0 讚好
0 留言
出邊可以拎嘅配料選擇都好多，有火鍋配料，亦有熟食。我哋試咗個沖繩式木魚燒苦瓜，好有日本風味，好食。有一種返雞蛋亦都係非常抵讚，唔係咁多餐廳會有提供。仲有幾部窩夫機俾客人自制窩夫，好適合下次帶女女嚟玩，不過食得太飽都食唔到窩夫了！飲品種類都算多，有汽水、有樽裝飲品、亦有熱飲供應。雪糕就有朱古力同抹茶口味，旁邊有啲toppings可以加落去一齊食，不過我哋都冇食到，因為真係好飽。
沖繩式木魚燒苦瓜
6 瀏覽
0 讚好
0 留言
日本雞蛋
9 瀏覽
0 讚好
0 留言
自制窩夫
5 瀏覽
0 讚好
0 留言
總括嚟講，係日式火鍋店，大將係好高質，而且價錢亦都唔貴，性價比非常高。如果帶埋小朋友嚟食，仲會好開心添！
飲品放題
8 瀏覽
0 讚好
0 留言
自助雪糕
10 瀏覽
0 讚好
0 留言
張貼
