竹串日本料理 (已結業)

放假同老公出銅鑼灣覓食，全幢永光中心有好多餐廳，於是去果度搵間。見到電梯大堂部電視宣傳梗竹串，睇食評都唔錯，就去試一試！裝修好舒適，我地被安排坐bar枱，可以睇到師傅燒串燒，亦見到色澤鮮明，有光澤，又肥美嘅刺身，感覺都食得安心！午餐定食選擇都唔少，幾吸引，不過今日天寒地凍就唔食生冷野喇，想食d熱辣辣嘅，於是點左一份極上饅魚丼飯同埋竹串銀雪魚燒。每一份定食都跟一碗麵豉湯（入面仲有鮮菇片，有誠意）、味付螺肉同沙律，唔錯唔錯！鰻魚丼一上到黎，我同老公真係嘩嘩聲！咁大條，而且仲冒梗煙，係熱辣辣嫁！鰻魚上面淋左份量恰到好處嘅鰻魚醬汁，唔會太鹹，條鰻魚都幾厚身，魚肉嫩滑、肥美。唯一美中不足係飯硬左少少，唔夠香Q彈牙，如果飯可以改善埋呢個鰻魚丼就真係不得了！餐廳叫得竹串，我對串燒都充滿期待，而且我真係望住師傅即叫即燒，熱辣辣香噴噴咁送上黎。呢份竹串銀雪魚燒除左有銀雪魚之外，仲有另外5款串燒，種類都幾多。燒銀雪魚有豐富嘅魚油，好香又好嫩滑😋雞翼皮仲keep到脆，食到皮上面撒左少少鹽嘅咸香，而且仲有肉汁。松板豬係另一驚喜，肉質好有嚼勁，燒到好香口又唔乾！食左咁多肉，仲有d烤翠肉瓜、秋葵同蕃薯仔中和下，翠