巴巴串 (已結業)

今日同屋企人黎到觀塘行街，見到呢間巴巴串，幾大間幾好坐咁，仲推薦懶人燒烤，岩晒我地呀！前菜係呢度都係任食，有唔同款式自己去拎，我就拎佐至愛既青口，青口大大隻又無沙無污糟，啲肉好鮮甜好彈牙，直情係自助餐級數！串燒方面選擇亦都好多，肉類方面都已經有好多唔同款去簡，好似豬仔髀就夠晒多肉鮮味，羊扒都好肥美嫩滑，仲有其他雞肉串同牛肉串，雞腎都整得好好，全部都已經好好咁調佐味，味道濃烈，同去bbq一樣呀！另外亦有燒腸仔，燒多春魚其他等等唔同既款，每樣食材都夠晒新鮮，絕對食得放心！