影片
更多
2022-09-23
88 瀏覽
早兩日約咗朋友食晏，佢話好耐冇打過邊爐，想搵間可以坐耐啲，慢慢食，傾下偈嘅火鍋店。上網搵到瓊華中心 11/F 呢間「馬祖台灣養生涮涮鍋」。餐廳主打無限時任食台式火鍋，有 19 款湯底同超過 60 款肉類及配料供應，就一於訂位試下。我哋揀咗個 C 餐，當中包括有極級 SRF 極黑和牛肩脊肉、Prime Grade 安格斯牛頸脊、Prime Grade 美國安格斯牛肉、西班牙無激素豬肉片及伊比利亞黑毛豬。至於鍋底方面就選了藥膳椰子雞涮涮鍋，湯底味道非常清甜，入口啖啖椰香。配料份量十足，有雞肉、豆卜、桂圓和紫洋蔥等，雞件啖啖肉，滑嫩又入味。肉類方面，套餐包 3 款牛同 2 款豬。幾款肉嘅質素都好高，尤其是係和牛肩脊肉，不但色澤紅潤、厚度適中，而且油花比例平均，入口軟滑無渣兼極重牛味；而黑毛豬肉片嘅肉質亦厚實彈牙，食肉獸一定滿足！至於其他火鍋配料，選擇亦非常之多，除咗海鮮之外，仲有唔少每日新鮮即製嘅手工配料，例如梅菜豬肉丸、三寶丸、金沙魚蛋、台灣鴨血、甜不辣及花膠片等，全部都可以任點任食。啲蟶子同海蝦都好新鮮，入口爽彈鮮甜。鴨血滑嫩Q彈，入口完全無腥味；而豬肉丸亦真材實料，用上新鮮豬肉炮製，食
早兩日約咗朋友食晏，佢話好耐冇打過邊爐，想搵間可以坐耐啲，慢慢食，傾下偈嘅火鍋店。上網搵到瓊華中心 11/F 呢間「馬祖台灣養生涮涮鍋」。
餐廳主打無限時任食台式火鍋，有 19 款湯底同超過 60 款肉類及配料供應，就一於訂位試下。
我哋揀咗個 C 餐，當中包括有極級 SRF 極黑和牛肩脊肉、Prime Grade 安格斯牛頸脊、Prime Grade 美國安格斯牛肉、西班牙無激素豬肉片及伊比利亞黑毛豬。
至於鍋底方面就選了藥膳椰子雞涮涮鍋，湯底味道非常清甜，入口啖啖椰香。配料份量十足，有雞肉、豆卜、桂圓和紫洋蔥等，雞件啖啖肉，滑嫩又入味。
肉類方面，套餐包 3 款牛同 2 款豬。幾款肉嘅質素都好高，尤其是係和牛肩脊肉，不但色澤紅潤、厚度適中，而且油花比例平均，入口軟滑無渣兼極重牛味；而黑毛豬肉片嘅肉質亦厚實彈牙，食肉獸一定滿足！
至於其他火鍋配料，選擇亦非常之多，除咗海鮮之外，仲有唔少每日新鮮即製嘅手工配料，例如梅菜豬肉丸、三寶丸、金沙魚蛋、台灣鴨血、甜不辣及花膠片等，全部都可以任點任食。
啲蟶子同海蝦都好新鮮，入口爽彈鮮甜。鴨血滑嫩Q彈，入口完全無腥味；而豬肉丸亦真材實料，用上新鮮豬肉炮製，食落相當鮮甜，加上梅菜嘅香味，絕對係心思之作，啖啖滋味。
另外餐廳會向每檯食客送贈一份黃金地瓜條，只須將蕃薯條放入紙袋，再加入調味粉搖勻，即可享用，入口外脆內軟，帶蕃薯甜香，味道不俗。
飲品方面都有唔少選擇，最受歡迎當然係餐廳自家製嘅冷泡茶，有黑糖冬瓜檸檬茶、愛文芒果茉莉花茶、桂花烏龍及日月潭蜜香紅茶等，入口清新解膩！ 
最後每人仲可以自選一客雪糕，有 Dreyers 同 Mövenpick 兩大品牌可供選擇，兩款雪糕都好正，香甜滑溜，為今餐畫上完美句號。
張貼
