影片
更多
2014-08-19
2299 瀏覽
又輪到慶祝八月之星嘅飯聚，主人家想食日本菜，有得一大班人食而又唔想食放題，今助係一個唔錯嘅選擇。雖然價錢唔平，但因為一個套餐嘅份量好多，基本上叫四、五個set已夠七、八個人食。（利申：幾乎全女班）辣豬肉鍋同味噌蠔鍋都唔錯。豬肉鍋只係微辣，大家都食得到；味噌蠔鍋嘅蠔係有啲腥，熟咗都腥。但個湯嘅味真係教得幾好，響呢個moment嚟講（睇落去就知）而且個鍋又有好多豆腐，好有豆香味；又有金菇、鮮冬菇同椰菜，感覺好健康。等大家食咁啲料後，就落烏冬去滾熱嚟食。因為烏冬本身係熟，所以基本滾到佢熱番就食得。烏冬唔係幼身嘅讚歧烏冬，而係公主我最愛，比較粗身彈牙，有咬口又煙韌嘅烏冬，I like it 到大家食埋烏冬，個湯又滾到得番一半嘅時候，就可以落埋個飯，煮到佢有risotto feel就可以熄火。就係因為咁，個味噌蠔鍋飯就變到好咸。其實公主我覺得真係比較咸，但其他人就覺得直頭係咸到食唔到。好彩係因為大家share，一人一啖就KO咗。反而辣豬肉鍋煮完嘅risotto都幾好味，唔會因為湯滾到濃縮而變得超辣。海鮮牛肉湯烏冬真係好正，牛肉唔會肥籐籐淨係得肥膏。湯底亦好清，係好有日本風嘅偏甜，但已經係就住香
辣豬肉鍋同味噌蠔鍋都唔錯。豬肉鍋只係微辣，大家都食得到；味噌蠔鍋嘅蠔係有啲腥，熟咗都腥。但個湯嘅味真係教得幾好，響呢個moment嚟講（睇落去就知）而且個鍋又有好多豆腐，好有豆香味；又有金菇、鮮冬菇同椰菜，感覺好健康。等大家食咁啲料後，就落烏冬去滾熱嚟食。因為烏冬本身係熟，所以基本滾到佢熱番就食得。烏冬唔係幼身嘅讚歧烏冬，而係公主我最愛，比較粗身彈牙，有咬口又煙韌嘅烏冬，I like it 到大家食埋烏冬，個湯又滾到得番一半嘅時候，就可以落埋個飯，煮到佢有risotto feel就可以熄火。就係因為咁，個味噌蠔鍋飯就變到好咸。其實公主我覺得真係比較咸，但其他人就覺得直頭係咸到食唔到。好彩係因為大家share，一人一啖就KO咗。反而辣豬肉鍋煮完嘅risotto都幾好味，唔會因為湯滾到濃縮而變得超辣。
海鮮牛肉湯烏冬真係好正，牛肉唔會肥籐籐淨係得肥膏。湯底亦好清，係好有日本風嘅偏甜，但已經係就住香港人口味嘅微甜。公主我爭唔到天婦羅，淨係食到浸湯果隻天婦羅蝦。佢嘅天婦羅蝦又係果啲裝假狗充大頭鬼嘅重皮天婦羅，隻蝦其實係幼到女仔尾指咁上下粗咋 但好在隻夠彈牙感覺新鮮，而且公主我幾鍾意浸到冧晒，索晒湯嘅皮加蝦肉食，夾埋真係好啱feel~另外刺身亦好新鮮，三文魚切得都算厚但好細件，帶子都係得兩件。不過咁睇，人地係一個餐預你一人份量，所以其實份量真係好多㗎喇！
而且今助唔似新城市其他食肆咁有時間限制，所以食飽飽後，大家都可以吹一輪水先走，最啱一大班friend嚟食。所以今餐真係胃、口都大滿足！
p.s. 唯一唔好嘅係可能我地個位比較入，成日要叫啲侍應先會過嚟斟茶
張貼
