影片
更多
2024-05-20
234 瀏覽
星期日同朋友突登入馬灣chill下，雖然之前都有去過馬灣，但之前都只係徘徊係廣場/東灣個邊打卡，今次同朋友決定入遠啲，係葵芳搭NR332巴士到田寮新村附近行下，入到民居附近就見到呢間好靚既餐廳！🤩 餐廳出面有好多花花草草，仲要係食好特別既土耳其菜，於是就同朋友入左去了，chill就係要咩都唔諗！🙂↔️ 好彩我地都真係冇揀錯！🥳餐廳裏面既佈置、傢俱同餐具都好有土耳其色彩！餐廳店員都好nice同健談，問佢的話，佢會同我地講解好多土耳其人既飲食文化！另外有洗手間係入面，好方便~ 餐廳有得揀吧檯同座檯，仲有籃俾我地擺袋，好體貼！👏🏻講野食之前，仲想介紹佢個自助吧corner，左邊既係土耳其茶 (味道有D似花茶幾香)，可以自己斟，想試下土耳其風味可以係上面加糖，店員話土耳其人習慣飲甜茶，而太苦都可以加水土耳其烤雞飯1/2 Mersin Chicken Rice (Half Portion) ($178) 🫰原來1/2隻雞都咁大隻，每舊雞肉都好大舊，肉質鮮嫩、多汁、亦都烤得好香，真係色香味俱全！佢有個土耳其醬味道都好特別，有陣紅酒味又酸酸甜甜，但撈飯同雞肉都好match，減低左烤雞帶黎既油膩感。因
餐廳裏面既佈置、傢俱同餐具都好有土耳其色彩！餐廳店員都好nice同健談，問佢的話，佢會同我地講解好多土耳其人既飲食文化！另外有洗手間係入面，好方便~ 餐廳有得揀吧檯同座檯，仲有籃俾我地擺袋，好體貼！👏🏻
講野食之前，仲想介紹佢個自助吧corner，左邊既係土耳其茶 (味道有D似花茶幾香)，可以自己斟，想試下土耳其風味可以係上面加糖，店員話土耳其人習慣飲甜茶，而太苦都可以加水
土耳其烤雞飯1/2 Mersin Chicken Rice (Half Portion) ($178) 🫰
原來1/2隻雞都咁大隻，每舊雞肉都好大舊，肉質鮮嫩、多汁、亦都烤得好香，真係色香味俱全！佢有個土耳其醬味道都好特別，有陣紅酒味又酸酸甜甜，但撈飯同雞肉都好match，減低左烤雞帶黎既油膩感。因為好食，覺得再多啲飯就更加正🤩 店家話啲醬真係從土耳其運過黎，同埋係佢試過味道覺得好match先選用，可見佢地製作都好用心，配合港人口味！另外，沙律菜都好新鮮好爽 👏🏻👩🍳土耳其全日早餐 Turkish all day Breakfast ($158)
呢個早餐雖然同我認知早既all day breakfast好唔同，但我覺得佢豐富同埋好靚！🫰 店家話土耳其人好注重家庭元素，齊整既感覺，所以會準備好多野一齊食，包括左唔同既醬、炒蛋同埋包，好有特色 (sry，店家講左仲多既野，但我記唔到，有興趣去問佢🤣)。 特別想推介佢既醬！！！🤤🤤 4種醬都好好食！特別係紅蘿蔔醬，個醬都係坐飛機黎，再加紅蘿蔔同大蒜既感覺，出奇地match！仲有鷹嘴豆醬同埋玫瑰蜂蜜醬 (?)，又香又帶有啲甜味，出色 ！應該要叫多個薄餅用埋D醬 哈哈！😍😍
廚師推介：拉絲小麥餅拼盤 ($168)
又係第一次見既食物，又係好精緻，好欣賞廚師🙈 小麥餅上面既土耳其糖 (?)、雪糕等係偏甜，但係夾埋小麥餅既鹹一齊食就中和返。小麥餅外層鬆脆，入面因為有芝士所以有拉絲效果，同埋感覺煙煙韌韌幾特別 👏🏻👏🏻 多人一齊share可以一試😆😆
百香果黃皮青檸特飲 (凍) ($58)
好新鮮！黃皮味好香濃，夏天飲，酸酸甜甜，解膩又透心涼 🤤
煮土耳其咖啡體驗 (主食+$80)
話明要chill，我地仲試左煮土耳其咖啡，第一次玩呢個沙爐哈哈！仲知道豆油既重要性。要飲土耳其咖啡都要時間等同埋有學問，為左清潔口腔，首先要飲水清走所有味道，先好飲一啖咖啡，再食一啖甜既土耳其糖，呢3個steps不斷循環先得🙊👍🏻最後，餐廳仲有土耳其衫同埋手飾俾客人打卡/體驗用，有咁多野做，真係冇兩個鐘都唔走得，真心chill！䁽下眼仲見到有狗仔營養餐menu。同場加映店長沙沙跳上張枱搵野食既好身手🤩🤩
結論
🫰整家店的氣氛都好好，所有野都好精緻，女仔黎到一定覺得心心眼
🫰味道好出色！
🫰貓店長巡舖加分
⚡️價錢的確唔算平，但間唔中食一次特色野好可以👍🏻👍🏻🤤
好味度：9.5/10
回頭度：9/10 (會儲一排錢encore再過黎食！)
張貼
