最近「新肥泉海鮮大排檔」推出咗全新小炒放題，對鍾意港式鑊氣小炒嘅朋友嚟講絕對係一大喜訊！
1
款式選擇多元，今次我哋食咗幾款招牌菜式，整體表現令人驚喜👏🏻💕
🌟肥泉小炒王
一上枱已經香氣撲鼻，材料豐富，包括魷魚、蝦仁、青椒、洋蔥等，炒得火喉十足，鑊氣十足，鹹香惹味，絕對係小炒放題之王者！
🌟當紅炸子雞
外皮炸得香脆，雞肉嫩滑多汁，配上蒜香鹽調味，令人一啖接一啖，係全場最受歡迎之一
🌟菠蘿拔絲咕嚕肉
酸甜度掌握得好，菠蘿清甜，咕嚕肉外脆內嫩，仲有拔絲效果，口感層次豐富，係小朋友都會鍾意嘅味道
🌟黑椒薯仔牛柳粒
牛柳粒炒得剛好，唔會過熟，黑椒味濃郁但唔會搶味，薯仔吸晒醬汁，香口又飽肚。
新肥泉今次推出嘅小炒放題真係誠意十足，款式多、味道好、價錢合理，最啱一班朋友聚餐、邊食邊傾。熟食中心環境雖然簡單，但勝在地點方便、氣氛熱鬧，係一個充滿地道風味嘅好選擇。🫶🏻
