更多
2017-11-06
2198 瀏覽
間中都想食好野慰勞下自己，今次揀左呢間有得打邊爐又有得食日本野 ，1次滿足2個願望 。我地揀左2層海鮮塔 ，店員幫我地set 好左時間，蒸完會自動熄 。係等緊既時候我地就出去拎定野飲同打邊爐既材料，飲品櫃好多選擇。我揀左竹䉀水，好岩打邊爐清熱。唔少得既係刺身壽司 ， 超推薦黑松露系列同火炙壽司，我叫左黑松露左口魚，黑松露味好香好夾，火炙壽司就好juicy 。另外仲有花之戀，係好肥美既三文魚啊。刺身淨係揀左三文魚同吞拿魚，都幾新鮮。我同朋友每人揀左一個手卷，mini size 唔怕會食到好飽，我揀左芥辣八爪魚，飯同八爪魚既比例岩岩好。食到差唔多個爐都熄左，代表已經蒸好海鮮啦。第1層有蠔，扇貝，好鮮甜，蒸既時候岩岩好，肉質好有彈性。連旁邊既蘿蔔同冬瓜都好入味。第2層有蜆，勝子，青口，同樣地好鮮，好想encore 蜆，因為粒粒都好甜啊。之後開始打邊爐，湯底充滿住海鮮味啊。 無論豆卜，響鈴，烏冬都索曬湯既海鮮味，係好新鮮既湯底。 另外我地都叫左啲燒物，有燒菠蘿，雞翼，仲有日本燒蕃薯，太多都影唔曬。燒菠蘿真係好甜係食到唔想停。另外個蕃薯仔燒完暖暖地，細細粒好過癮。燒冬菇都好香。其實食到咁上下已經
今次揀左呢間有得打邊爐又有得食日本野 ，
1次滿足2個願望 。
我地揀左2層海鮮塔 ，店員幫我地set 好左時間，蒸完會自動熄 。
係等緊既時候我地就出去拎定野飲同打邊爐既材料，飲品櫃好多選擇。我揀左竹䉀水，好岩打邊爐清熱。
唔少得既係刺身壽司 ， 超推薦黑松露系列同火炙壽司，我叫左黑松露左口魚，黑松露味好香好夾，火炙壽司就好juicy 。另外仲有花之戀，係好肥美既三文魚啊。
刺身淨係揀左三文魚同吞拿魚，都幾新鮮。
我同朋友每人揀左一個手卷，mini size 唔怕會食到好飽，我揀左芥辣八爪魚，飯同八爪魚既比例岩岩好。食到差唔多個爐都熄左，代表已經蒸好海鮮啦。
第1層有蠔，扇貝，好鮮甜，蒸既時候岩岩好，肉質好有彈性。連旁邊既蘿蔔同冬瓜都好入味。
第2層有蜆，勝子，青口，同樣地好鮮，好想encore 蜆，因為粒粒都好甜啊。
之後開始打邊爐，湯底充滿住海鮮味啊。 無論豆卜，響鈴，烏冬都索曬湯既海鮮味，係好新鮮既湯底。 
另外我地都叫左啲燒物，有燒菠蘿，雞翼，仲有日本燒蕃薯，太多都影唔曬。燒菠蘿真係好甜係食到唔想停。另外個蕃薯仔燒完暖暖地，細細粒好過癮。燒冬菇都好香。
其實食到咁上下已經覺得好full , 但都係忍唔住要食埋甜品，出面有自助甜品bar 好多cake 仔揀， 雪櫃亦有啫喱布甸。但食完打邊爐熱熱地 ，我揀左雪糕。除左基本既雲尼拿味，仲有紅豆同芝麻。個人鐘意芝麻味因爲夠香。總結今餐真係好滿足，短短2小時內食左好多種食物，下次一定會再黎。
張貼
