韓式豬手（半份） $148 豬手煮得軟嫩肉腍又大片，骨膠原滿滿(雖然都係脂肪🙈），配韓式辣醬、蒜頭、辣椒，包埋生菜，絕對可以媲美燒肉😆 生菜仲可以refill ！半份都夠兩個人食😍
雞蛋多過飯的蛋飯卷 $138 雞蛋飯卷係幾啱我呢啲鍾意食蛋嘅人，蛋香幾濃，蛋皮厚滑，的確係多過啲飯嘅😂但係份量都幾多，又大嚿，所以兩個人食都會飽。
韓式烤牛肉奶油意粉 $115 烤牛肉幾香，而奶油醬creamy同埋都幾濃，入到意粉，係幾特別，會想食多幾啖，同辣奶油又唔同味道，不過食多咗會感覺有啲膩（有可能因為我哋嗌得太多食唔晒🥹）。
開唔開心試咗先知嘅開心果蜜糖窩夫 $138 窩夫蛋香味濃，外脆又甜；開心果碎同醬香濃，做到成個開心果海；仲有好多配料，如cream、蜜糖脆脆，但因為窩夫幾多，所以唔會好甜，有埋雪糕就仲開心🙈😍
飲完唔會手指指餅咖啡（凍） $58 凍咖啡配手指餅，咖啡順滑好香，雖然有cream，但咖啡味都仲係出。
帶點驚喜的香印提子奶蓋綠茶 $58 綠茶清香，奶蓋滑順，香印提子大粒多汁，睇落好靚，夠解渴😚
店舖學生優惠：憑成績表/GPA換優惠 （做到30/10）
2025年9月1日至10月31日，學生憑成績單即可獲得專屬獎勵，中學生按班內名次、大學生按 GPA計算。中學生班內頭3名/大學生GPA 3.8-4.0有全單7折！記得睇埋其他條款🙊
社交平台優惠：一匙即中$3000旅遊禮券（做到8/11） 社交平台見到呢個優惠，食滿$500畀一條鎖匙，$1000畀兩條，如此類推。店內有個鎖住嘅寶箱，入面有$3000旅遊禮券。20條鎖匙得一條啱！然後會畀一張卡同30秒你睇鎖匙樣，之後你可以喺20條鎖匙揀一條試開。開到寶箱即贏$3000旅遊禮券（一個名額），就算無開到，仲有5個「全單免費」名額，都幾易過$500可以玩下！😆
賣點：
🫰海景超靚下午茶好chill。
🫰豬手幾推。
🫰店員服務暖心，Fusion菜創新，冬天再訪！
另一度大門當日比較敏感，打開時附近位置會有啲熱，但過左中午時份就ok
好味度：8.2/10 （海景超加分！）
