The Optimist

營業中

休息中

我今次係第三次食呢間餐廳。前兩次冇咩特別，但今次真係失望。Menu同上兩次相比有啲items唔同咗，試下新嘢都好嘅。今次頭盤叫咗Gambas，但竟然冇麵包配。主菜點咗USDA Prime Ribeye, 食落好韌，味道亦偏淡、冇牛肉嘅香味。甜品叫咗焦糖奶凍，面頭果浸焦糖太厚、好影響口感，食嘅時候都要格外小心，驚𠝹親個口。係用完餐時先發覺某啲餐係包free flow house wine, 但點餐或用餐果陣啲waiter冇提點過。雖然有係Menu某個位寫咗呢樣嘅，佢地亦解釋話客人冇主動order佢地係唔會提點的。佢嘅解釋聽落好似make sense，唯有怪自己冇睇清楚啦。另外，我地共4個人用餐，啲waiter上菜時竟然冇一個配對啱個菜式、俾錯晒人，要我地再講一次邊個食咩，重點係上菜同點菜都係同一waiter。以一間呢個價位嘅餐廳嚟講，咁嘅質素實在令人失望。