影片
更多
2019-08-19
1715 瀏覽
有時兩口子拍拖諗唔到去邊，都會選擇光顧樓上cafe，貪佢環境清靜可以坐低慢慢食野傾計。今次我地就揀左位於尖沙咀的Layback cafe，享受悠閒的周末時光。餐廳主食有意粉、漢堡包同意大利飯等，亦提供多款小食同甜品，加配飲品可享正價減$10優惠。我地兩個都鍾意食海鮮，所以不約而同地揀左有軟殼蟹嘅菜色。📍牛油果軟殼蟹漢堡配薯條 漢堡好厚身，夾住大大隻軟殼蟹，一啖都咬唔哂。面頭麵包經過微微烤焗，脆口鬆軟，中間仲有清新蕃茄同酸酸地嘅醬汁，開胃易入口。主角軟殼蟹的炸漿唔厚，咬落都幾脆口，中間仲見到好多蟹膏，非常足料。📍明太子炸軟殼蟹忌廉扁意粉明太子醬汁濃郁，帶忌廉香，食落唔會覺得膩，炸軟殼蟹依舊大隻又好味。扁意粉闊身的緣故，麵條更容易沾上醬汁，口感濕潤更易入口。📍榛子朱古力朱古力味道香濃，不過唔夠幼滑，近底部飲到比較多粉粒，飲品嘅份量亦都少左啲。📍士多啤梨啤梨鮮打紅茶味道甜甜地帶有陣陣生果清香，紅茶味唔太特出，所以飲落比較似鮮製嘅士多啤梨汁多啲。餐廳有室內同室外兩邊的用餐環境，室內雖然面積比較細，不過座位擺放鬆動，大家都可以舒適地食野傾計。天花板同餐枱上都放了粉色小花作點綴，裝潢佈置上花了不少
餐廳主食有意粉、漢堡包同意大利飯等，亦提供多款小食同甜品，加配飲品可享正價減$10優惠。我地兩個都鍾意食海鮮，所以不約而同地揀左有軟殼蟹嘅菜色。
📍牛油果軟殼蟹漢堡配薯條
漢堡好厚身，夾住大大隻軟殼蟹，一啖都咬唔哂。面頭麵包經過微微烤焗，脆口鬆軟，中間仲有清新蕃茄同酸酸地嘅醬汁，開胃易入口。
主角軟殼蟹的炸漿唔厚，咬落都幾脆口，中間仲見到好多蟹膏，非常足料。
📍明太子炸軟殼蟹忌廉扁意粉
明太子醬汁濃郁，帶忌廉香，食落唔會覺得膩，炸軟殼蟹依舊大隻又好味。
扁意粉闊身的緣故，麵條更容易沾上醬汁，口感濕潤更易入口。
📍榛子朱古力
朱古力味道香濃，不過唔夠幼滑，近底部飲到比較多粉粒，飲品嘅份量亦都少左啲。
📍士多啤梨啤梨鮮打紅茶
味道甜甜地帶有陣陣生果清香，紅茶味唔太特出，所以飲落比較似鮮製嘅士多啤梨汁多啲。
餐廳有室內同室外兩邊的用餐環境，室內雖然面積比較細，不過座位擺放鬆動，大家都可以舒適地食野傾計。
天花板同餐枱上都放了粉色小花作點綴，裝潢佈置上花了不少心思。
食物味道唔錯而且價錢合理，下次同朋友聚會都會選擇再嚟Layback cafe。
張貼
