元朗合隆潮州粉麵 (德仁街)

營業中

休息中

之前兩次想食呢間lunch, 都因為要等位所以放棄。今次又唔死心再去搏一搏，諗住冇位先改地點。點知咁好彩，俾我地唔使等就有位!除左普通粉面，仲有豬油撈飯架，不過最近肥左好多，豬油撈飯留返下次! 我揀左黑豚肉餃，魚片頭拼銀針粉! 同埋合隆自家製既辣菜圃，小心注意佢地既菜真係好辣架，唔小心會辣到咳! 加入湯中中和一下再入口，好就啱晒!我重點要介紹佢個黑豚肉餃，呢款係我必食之選，皮薄餡靚，好爽口，又多肉汁，同事都好like呢隻餃子!仲有牛柏葉，次次去到都沽清，今次終於可以試(偷同事個碗!) 都係爽口甜美!