桃園小品 (蘇豪東) (已結業)

呢頭附近都係比較多貴價餐廳，如果想平平哋食個快餐，呢間新餐廳的確係唔錯嘅選擇。環境幾寬敞，裝修都好有心思。公司三文治有四大件，有炒蛋、午餐肉、火腿、芝士、蕃茄、生菜。通常叫公司三文治都會同人share ,如果一個人食晒呢四件應該會超飽。另一份常餐有叉燒麵加煎蛋，仲有兩件厚多士，出面啲茶餐通常配得半塊，仲要好薄添。加$6有奶茶紅豆冰，因為紅豆好甜，所以奶茶都偏向重茶味，兩者拉返勻就差唔多啦。呢度嘅下午茶餐大多都係30幾蚊就有，而且好大份， 10分夠飽。