Homeland (東昌街) (已結業)

呢間小店有驚喜！身處於大埔墟，見到有呢間黃店Cafe，細細間，坐滿顧客，就知道食物質素有返咁上下。店內環境較侷促，同隔離枱比較接近。室內佈置美觀，令人感覺舒適，門面街頭藝術氣息濃厚。Homeland Egg Benedict $88- Egg Benedict配上牛油果、煙肉、香腸、沙拉、煙三文魚，分量大得驚人，性價比極高，而且賣相一流，高度推介！成碟食晒好飽，每樣配菜都煮得好好味，睇得又食得！帆立貝飛魚子卡邦利意粉$88- 朋友叫呢個意粉，佢話忌廉汁唔滯幾好，不過我覺得帆立貝嘅份量偏小，都係Egg Benedict最吸引我。