一本丼

營業中

休息中

噚晚OT完，返到大圍都21:30諗住買啲嘢食返屋企食，經過依間小店，心諗新開啵，試少少睇吓咩環境先。入到去諗住睇吓有咩小食吸引，叫咗個吉列牛肉薯餅，出去買罐啤酒坐係公園食完，都炸得唔錯喎。之後order多個滑蛋煮鰻魚飯返屋企食，蔬菜好新鮮，滑蛋返到屋企仲係滑，最鍾意食入面啲菇，調味做得好好。等外賣途中，見到廚房入面好企理，門面好整潔，舖頭入面都準備咗啲櫈俾客人坐低等餐，幾細心，而且冷氣好充足，等餐時間都好快，大約10至15分鐘就拎得。以後OT完可以打定嚟叫外賣，快靚正。