牧羊少年咖啡館 (K11購物藝術館)

營業中

休息中

今日要去 IKEA 買嘢，K11 新開咗一間，近咗好多，就好呢間，順道响 K11 搵嘢食，最後揀咗呢間行到篤篤先見到嘅牧羊少年，印象中有唔少分店，不過我自己就係第一次食。今次我哋叫咗蒜香墨魚汁小八爪魚三文魚籽意大利飯套餐配藍莓奶酪（$132）及英式早午餐配美式黑咖啡（$118），意大利飯味道一般，海鮮有點淡，如果可以重口味一點就好，全日早餐反而有點驚喜，平時食開的全日早餐都冇乜好嘢食，都係剪隻蛋俾片多士，再加啲烟肉焗豆等就算，但係今次呢個唔同，有脆脆乳酪、有煙三文魚，法式多士等等。餐廳冇乜打卡位，裝修有少少特別，係一個半開放式廚房，可以睇住廚師整嘢食，都幾得意。