更多
2019-05-30
400 瀏覽
朋友介紹嚟咗呢個大名鼎鼎嘅大中華飯店,係goggle map搵連個舖頭喺邊都幾乎搵唔到,有成三四間唔同嘅舖位,認真夠晒派頭。首先叫咗個荷葉雞,非常唔錯,好香荷葉味啲荷葉鎖住啲雞汁,雞汁又流落下便啲飯度,真係幾正。第二味叫咗個薑蔥炒蠔,呢個就不過不失啦,明顯炒係炒得好香好有鑊氣,但係啲蠔就普普通通,唔算太新鮮,不過都係果句獲氣搭救。最後叫咗一隻燒鵝,呢個就真係非常非常之有驚喜,完全估唔到佢呢度嘅燒鵝水準係非常之高,拍得住嗰啲乜記物記,基本上都唔使點啲咩汁隻燒鵝本身已經好香,皮脆肉嫩。一個字正呀!!
張貼